🌹वार्षिक वाढदिवस 🌹🎂

'सुलहर ' सहर्ष सादर करित आहे "विचारमंथन" -

🌹 वार्षिक वाढदिवस 🌹🎂

वाढदिवस हा पहिल्या वर्षापासून शंभर वर्षांपर्यंत साजरा करण्याचा एक आनंदी उत्साही क्षण आहे 🎉💖

तसं पाहिलं तर प्रत्येक सूर्यास्त आपल्या जीवनाचा एक एक दिवस कमी करत असतो. पण प्रत्येक 🌞सूर्योदय आपल्याला आशावादी करून एक दिवस आणखीन देतो.🌹. म्हणून प्रत्येकाने आपली सकाळ आशावादी  होऊनच स्वागत करावी.

वाढदिवस साजरा करण्याची प्रत्येकाची वेगवेगळी कल्पना असते, एक पद्धत असते. खरंतर हिंदू धर्मामध्ये फक्त औक्षण करून देवाजवळ दिवा लावून मोठ्यांना नमस्कार करतात. पण आता वेगळ्या वेगळ्या पद्धतीने वाढदिवस साजरा करतात. हॉल मध्ये, मॉल मध्ये, औटींगला जाऊन वाढदिवस साजरा करतात. असा असतो प्रत्येकाचा हौशीचा भाग. पूर्वी ही पद्धत प्रचलित नव्हती त्यामुळे वाढदिवसाला एवढे महत्व देत नव्हते. कोणा कोणाला तर वाढदिवसाची तारीख ही माहिती नसायची.

लहान मुलांचा हा विषय खूप आवडीचा आणि खूप भावना प्रधान आहे. भरपूर धमालीचा असतो तो दिवस त्यांचा. अगदी एक महिन्या आधी पासून डेट लक्षात ठेवून सगळ्यांना सांगतात मुलं की माझा वाढदिवस येत आहे. त्या दिवशी मी असे करीन! त्या दिवशी मी तसे करीन! आईला सांगणार, बाबांना सांगणार आणि आठ दिवसांपासून आईच्या मागे तगादा लावणार त्या दिवशी माझ्या आवडीचे हे करायचे ! ते करायचे ! केक आणायचा, त्याची थीम काय, कपडे कोणते घ्यायचे, कोणा कोणाला बोलवायचे, स्वतःला गिफ्ट घ्यायचे, रिटर्न गिफ्ट काय घ्यायचे ? अशी एक नाही अनेक गोष्टींची लिस्ट तयार होते. आई-वडिलांना भंडावून टाकतात. सकाळ पासून संध्याकाळची वाट बघण चालू होत. संध्याकाळ झाली की मग केक ची वाट बघत बसतात मुलं. केक आला रे आला की मग त्याच्यावर चर्चा - किती मोठा ? किती छान ? कोणती थीम ? केक बघून खूप आनंद होतो मुलांना. त्यावर जितक्या वर्षाचा वाढदिवस असेल त्या नंबरच्या मेणबत्तीचा अंक लावतात. मग सर्व बालगोपाळ त्याच्या भोवती उभे राहतात. फोटोसेशन होते. टाळ्यांचा कडकडाट. "हॅपी बर्थडे टू यू " म्हणून 🎂केक कापतात ! 👋गाणे म्हणतात ! गाण्याची धून लावतात. खूप खूप आनंदी असतात मुलं कारण तो दिवस म्हणजे खूपच आवडता. मग रिटर्न गिफ्ट दिले जाते ,काही फराळ केले जाते. हॉटेलमध्ये किंवा बाहेर कुठे असेल तर पूर्ण दिवसाचे पॅकेज देतात .ते लोक सगळी तयारी करून देतात - स्टेज डेकोरेशन व इतर सर्वकाही. आपल्याला काहीच बघायला लागत नाही. 

खरं तर आपल्या आयुष्यातील एक - एक वर्ष कमी होते तरी आपण प्रत्येक वाढदिवस आनंदाने साजरा करतो. आपण कितीही वर्षाचे झालो तरी वाढदिवस साजरा जरूर होतो. पहिले आई वडील साजरा करतात, नंतर मुलं, सुन, जावई, नातवंड ! अगदी पन्नाशी पासून 75 वा  80 सहस्त्र चरणी चंद्रदर्शन सिल्वर ,गोल्डन ,डायमंड ,असे वेगवेगळे वाढदिवस साजरे होतात. प्रत्येक वयाचे वेगवेगळे विधिवत कार्यक्रम होतात, मोठे फंक्शन करतात. ज्येष्ठांच्या वाढदिवसात केकचे एवढे महत्त्व नसते. या वेळी कोणी कोणी बाहेर धार्मिक ठिकाणी जाऊन शांती पाठ वा होम यज्ञ  करून मनवतात, कोणी दान देतात , कोणी वृद्धाश्रमात साजरा करतात. वृद्धाश्रमात एवढ्यासाठी कि समवयस्क माणसांना आपल्याकडून काहीतरी द्यावे व आपल्याबरोबर त्यांचाही दिवस आनंदात जावा अशा हेतूने करतात. ज्याची त्याची श्रद्धा, भक्ती असते.

मला असं वाटतं की जे वर्ष आपण घालवले ते किती आनंदाने किती छान घालवले, आता आपले पुढील आयुष्य ही असेच चांगले जावे म्हणून वाढदिवस साजरा करत असतील !

🖋 सुलहर