🌹विचार पुष्प 🌹

'सुलहर ' सहर्ष सादर करित आहे 

                   🌷 विचार - पुष्प🌷

प्रत्येक गोष्ट प्रत्यक्षात साकारायला मनात काही सकारात्मक विचार यावा  लागतो.

प्रत्येक मनुष्य नेहमी काहीतरी विचारात असतो. विचारांना अंत नसतो व काळ, वेळ, जागा यांची गरज नसते. तो सतत आपल्या डोक्यात धावत असतो. त्याला सहस्र घोड्यांचा रथ जोडलेला असतो की काय ? त्याला फक्त "मन" हेच लगाम आहे व ते पक्के असावे लागते.  समयसूचकता असावी लागते. कधीकधी आपल्या मनात एकाच वेळी असंख्य विचार घोळत असतात जशा मधमाशांच्या पोळ्यावर असंख्य माशा!!

 तसेच टीव्ही  चालू असताना बघा बातम्या च्या  खालील जाहिरात सारखी  चालू  असते  तसेच आपल्या मेंदूमध्ये  सतत विचार चालू  असतात. तसेच आपल्या मनात दिसत नाही, पण सतत विचारांचे  युद्ध चालू असत. त्या विचारांवर 

आपण सहसा विचार करत नाही .

 पण त्यातले  बारीक बारीक विचार च आपल्या  मनात सतावत असतात . तुम्ही ज्याच्यावर आपल्याला काम करायच आहे त्याच्यावरच लक्ष केंद्रित करा नाही तर नकारात्मक विचार आधीच पुढे  धावत असतात . त्या विचारांवर मात  करा सकारात्मक विचार करा, आणि त्याच्यावर विचार करा की आपल्याला  काय करायचे आहे.

निश्चित विचार करण्या करता नेहमी एक ध्येय, एकाग्रता पाहिजे असते. स्पर्धेत आपण भाग घेतो त्यावेळी (लक्ष) एकाग्रता प्राप्त करून शंभर लोकांमधून पहिला नंबर मिळवतो. ते म्हणजे फक्त फक्त सकारात्मक विचारांमुळे . चांगले विचार फार कमी येतात. त्याच्यासाठी आपण नेहमी तीन माकडांचे प्रतीक डोळ्यासमोर ठेवावे . 

"सुंदर"

विचारांची जोपासना हीच आपली उपासना" पहिल्यांदा मनात चांगले विचार आणावे. नंतर विचारांची देवाण-घेवाण करावी व नंतर निश्चय करून प्रत्यक्षात अमलात आणण्याचा प्रयत्न करावा. तसे ते काही सोपे नाही त्याकरता खूप कष्ट पडतात. पण विचार आल्याशिवाय किंवा कृती केल्याशिवाय कोणत्याच कामाची सुरुवात होत नाही. त्यासाठी थोडी अध्यात्मिक साधना पण जरुरी आहे. म्हणून देवाजवळ एकच मागावे - 

" सर्वांना सद्बुद्धी दे "

🖋 सुलहर